თბილისი (GBC) - იპოთეკური სესხების პორტფელი 9.357 მლრდ ლარამდე გაიზარდა. სებ-ის ინტერაქტიული სტატისტიკით, მარტში 5 000 სესხია გაცემული. სულ 315 მლნ ლარის და აქედან 26.7 მლნ-ის  არარეზიდენტებზე. 

დოლარში იპოთეკური დაკრედიტების წლიური ზრდა  8.3%-ია (L/m  +6.4%), ლარში 20.8%  (L.m +19.7%),  თუმცა  წინა წლის ანალოგიურ პერიოდთან შედარებით, სავალუტო დაკრედიტების ტრენდი უფრო შთამბეჭდავია. გასულ წელს 6.2 %-იანი კლება იყო, ლარის იპოთეკის ტემპიო კი შარშანდელთან შედარებით 10%პ-იან შენელებას აჩვენებს.

ამას ბაზარი  ლარის სესხების გაძვირებას უკავშირებს. როგორც იცით სებ-მა  ფინანსური სტაბილურობის შერყევის საპრევენციოდ რეგულაცია გაამკაცრა, სასესხო ვადის დამოკლებით და  განაკვეთის 3%-იანი ბუფერით  გადაზღვევით.

რამდენად წაახალისებს, რეფინანსირების 11%-იანი განაკვეთის პირობებში, ლარის იპოთეკას,  პრემიერის  დაანონსებული  საგარნტიო სქემა ჯერ უცნობია. დაანონსებული პროგრამის ბიუჯეტი,  რომლითაც სამშენებლო კომპანიებს რესურსის მოზიდვა  მთავრობის გარანტიით შეეძლება, ჯერ უცნობია.

შარშან  სექტემბერში ამოქმედებული  იპოთეკის 6-8% -ით სუბსიდირების პროგრამით, რომლის ფარგლებში, მსესხებლის  სასესხო განაკვეთის  თანადაფარვას  შვილების რაოდენობის მიხედვით განისაზღვრება 226 მლნ ლარამდე  2 043  სესხია გაცემული (ეკონომიკის სამინისტროსინფორმაციით).  თითქმის 3-ჯერ ნაკლები, ვიდრე გახარიასდროინდელ 6 თვიანი პროგრამით. ახლადაშენებელი ბინის  4%-იანი თანადაფარვით შესაძენად, რომლის ბიუჯეტი 70 მლნ ლარი იყო ( მრავალვილიანების პროგრამის ბიუჯეტი-₾55 მლნ)  900 მლნ ლარის სესხებია  გაცემული.

მაშინ რეფინანსირების განაკვეთი 8.25%  იყო, ახლა 11%-ია.   როგორც იცით, იპოთეკა ცვლადგანაკვეთიანია და რეფინანსირების განაკვეთს ებმება.