თბილისი (GBC) - TBC Bank Group PLC -ის ცნობით, The Global Economics-ის მიერ, მისი უზბეკური გადახდის შვილობილი Payme, უზბეკეთში, 2022 წლის საუკეთესო ციფრული გადახდის სერვისის პროვაიდერად დასახელდა.

„ჩვენი საერთაშორისო გაფართოვების სტრატეგია საშუალებას გვაძლევს გავაფართოვოთ ჩვენი გამოცდილება უზბეკეთში და შევთავაზოთ თანამედროვე, უწყვეტი გადახდის გადაწყვეტილებები უზბეკეთის მოსახლეობას. Payme-ის წარმატება ჩვენი ძალისხმევის დასტურია. მინდა მადლობა გადავუხადო ჩვენი გუნდის წევრებს უზბეკეთში, რომელთა თავდადებამ შესაძლებელი გახადა ამის მიღწევა“, - აცხადებს TBC PLC-ის აღმასრულებელი დირექტორი ვახტანგ ბუცხრიკიძე.

შეგახსენებთ, 2021 წლის 31 დეკემბრის მდგომარეობით, Payme-ს რეგისტრირებული მომხმარებლების რაოდენობამ 5.2 მლნ-ს მიაღწია (10M21 – 4 მლნ), ხოლო ყოველთვიურად აქტიური ციფრული მომხმარებლების რაოდენობამ 2021 წლის ბოლოსთვის 1.1 მლნ შეადგინა (10M21 – 0.9 მლნ).

იმავე პერიოდში, კომპანიის შემოსავლები წინა წელთან შედარებით 91%-ით გაიზარდა და 28.8 მლნ ლარი შეადგინა, ხოლო წმინდა მოგებამ 18 მლნ ლარი, რაც წინა წელთან შედარებით 111.7%-ითაა გაზრდილი.