თბილისი(GBC)-რუსეთის უკრაინაში შეჭრის მიუხედავად,სილამაზის ფრანგული ბრენდი L'Occitane აცხადებს რომ რუსეთის ბაზარზე რჩება. კომპანიის განცხადებით ლოქსიტანის მაღაზიები ღია რჩება.

კომპანიამ BBC-ს განუცხადა, რომ განიხილავდნენ რუსეთიდან გასვლას,მაგრამ სიტუაცია შეიცვალა და მათ სურთ თავიანთ პერსონალის დაცვა პოტენციური ,,შურისძიებისგან’’.

თავდაპირველად მათ შეწყვიტეს რუსეთში პროდუქციის მიწოდება,მაგრამ მათი ვებგვერდი კვლავ ღიაა.

ასობით საერთაშორისო ბრენდმა, მათ შორის L'Oreal-მა და Estee Lauder-მა, უკვე დახურეს მაღაზიები და შეწყვიტეს ონლაინ გაყიდვები რუსეთში ომის პროტესტის ნიშნად.

მომხმარებელებმა გააკრიტიკეს L'Occitane მისი გადაწყვეტილების გამო და მოითხოვეს ბრენდის ბოიკოტი. ბრენდი იყიდება 3,085-ზე მეტ საცალო მაღაზიაში მთელს მსოფლიოში და მისი გაყიდვები 1,5 მილიარდ ევროს (1,3 მილიარდი ფუნტი)შეადგენდა გასულ წელს.

კოსმეტიკის ფირმამ, რომელსაც აქვს სპა და მაღაზიები რუსეთის ქალაქებში, მათ შორის მოსკოვსა და სანკტ-პეტერბურგში, განაცხადა რომ ვერ წავა მათი დახურვის ,,რისკზე’’.

შეგახსენებთ,რომ 600-მდე ფირმამ დატოვა რუსეთის ბაზარი. მათ შორისაა Coca cola,Apple,Levi’s და სხვა.