თბილისი (GBC) - სებ-ის ვიცე პრეზიდენტს  საფონდო ბირჟებზე  აქტივებში 30 000  აშშ დოლარი აქვს ჩადებული, მათ შორის ყველაზე ბოლო ინვესტიციაა 1 752  აშშ  დოლარი, რაც   აშშ-ის გაზის ფონდის (United States Natural GasFund) ფასიან ქაღალდებში  დააბანდა.  თითო აქციაში 5.8 აშშ დოლარი.   თუმცა  აქციის   ღირებულება  3-ჯერ მეტია.  სებ-ის ვიცე-პრეზიდენტს წარმოებული ფასიანი ქაღალდები (CFD) უჭირავს. გაზის გაძვირება გაიაფებაზე აკეთებს  ე.წ  ფსონს. მოლოდინის გამართლებისას მოგებას იღებს, გაცრუებისას აგებს. ემიტენტი კომპანია მას   სრული ფასის  ცვლილებაზე აძლევს მოგების შესაძლებლობას.

ამ დროსითვის ლეჟავას აქვს  ნორვეგიული ტურისტული კომპანიის (Norwegian Cruise Line Holdings) 400 CFD.  აქციის ღირებულების 1/3 -ის  ინვესტირებით, მოგებას  იგივე პრინციპით იღებს. მის  პორტფელში არის  ლირა/ აშშ დოლარის (USDTRY) წყვილის (კურსის ცვლილებაზე  მიბმული  ქაღალდი (Forex, ინვესტიცია $500) და ოქროს  ფასზე  წარმოებული (XAUEUR) 2 604  ევროს ღირებულების 30 Forex-ი. ამ დროისთვის   1 უნციის მიმდინარე ფასი  1 720  ევროა, თუმცა  ლეჟავას დაბანდება თითოში 86.8 ევროს არ აღემატება და  ყველა ქაღალდში გადახდილი აქვს 2 604 ევრო.

ამ დროისთვის  პაპუნა ლეჟავას  პანდემიაში შეძენილი Costco –ს (საცალო  მარკეტინგული კომპანია)  და Zoom -ის CFD -ებიც უჭირავს ( ინვესტიცია: $342+$875).

პანდემიაში შეძენილი,  სხვა ფასიანი ქაღალდები, მათ შორის სინგაპურის და ესპანეთის საფონდო ბირჟის ინდექსზე მიბმული CFD-ები (iShares MSCI Singapore ETF; Lyxor UCITS ETF IBEX35 ),  Salesforce-ის, Netflix-ის, Airbnb-ის, Telekom Austria-ს  CFD -ები დაTelefonica-ს 4 300 აქცია ($ 3 990) 2021 წელს გაყიდა (თავის მოგებით და წაგებით). პანდემიაში დაბანადებების უმეტესობა წამგებიანი იყო.