თბილისი (GBC) - 2021 წლის განმავლობაში ქონების დაზღვევის სახეობაში მოზიდულ პრემიასა და ბაზრის წილით კვლავ ალდაგი ლიდერობს. 2021 წელს ქონების დაზღვევის სახეობაში მოზიდულმა პრემიამ სულ 118.5მლნ ლარი შეადგინა. ალდაგის წილი 33%-ია 38.7 მლნ ლარით. მეორე ადგილზეა კომპანია უნისონი 23.6მლნ ლარით, რაც მთლიანი სექტორის 20%-ია. მესამეზეა თიბისი 15%-ით. თიბისის მოზიდულმა პრემიამ 18.4მლნ ლარი შეადგინა.

ალდაგი ასევე სამოქალაქო პასუხისმგებლობის დაზღვევის სახეობაშიც ლიდერობს. ამ სექტორში ჯამურად მოზიდულმა პრემიამ 29.3მლნ ლარი შეადგინა. ალდაგი სექტორს 43%-ით ლიდერობს 12.7მლნ ლარის მოზიდული პრემიით. მეორეზეა ჯიპიაი 5.8მლნ ლარით, რაც სექტორის 20%-ია. მესამეზეა უნისონი 3.8მლნ ლარით, რაც მთლიანი სექტორის 13%-ია.