თბილისი (GBC) –2021 წლის განმავლობაში სახმელეთო სატრანსპორტო საშუალებათა (გარდა სარკინიგზო ტრანსპორტისა) დაზღვევის მოზიდული პრემიით ალდაგი ლიდერობს. 2021 წლის განმავლობაში საქართველოში სულ 18 სადაზღვევო კომპანია ოპერირებდა. მათმა ჯამურმა მოზიდულმა პრემიამ სახმელეთო სატრანსპორტო საშუალებათა დაზღვევაში 143.2 მლნ ლარი შეადგინა. აქედან 31.2 მლნ ლარი ალდაგის მოზიდული პრემიაა, რაც ჯამური სატრანსპორტო საშუალებათა დაზღვევის 21.8%-ია.

ალდაგი სახმელეთო ტრანსპორტის გამოყენებასთან დაკავშირებული სამოქალაქო პასუხისმგებლობის დაზღვევაშიც ლიდერობს. მათმა მოზიდულმა პრემიამ 8.3 მლნ ლარი შეადგინა, რაც ყველა სადაზღვევო კომპანიის ჯამურად მოძიებული პრემიის 18.6%-ია.