თბილისი (GBC) – 2022 წელს რამდენიმე ქართულმა კომპანიამ მიიღო მონაწილეობა გამოფენაში Gulfood 2022 დუბაიში.

ერთ-ერთი კომპანიის - „აგროსტორის“ - დირექტორს ზურაბ ალავიძეს თქმით, ის გამოფენიდან მნიშვნელოვანი შედეგებით დაბრუნდა - კომპანია დაიწყებს ქართული ბალის ექსპორტს გაერთიანებულ არაბულ საემიროებში - იუწყება საიტი east.friut.com ექსპორტი დაიწყება მოსავლის აკრეფასთან ერთად, სავარაუდოდ მაის-ივნისის პერიოდში, როდესაც კახეთში კომპანია 30 ტონა ბალის აკრეფას და შესყიდვას გეგმავს.

ივნისის შემდეგ სეზონი შიდა ქართლში გრძელდება.

2021 წელს „აგროსტორმა“ განახორციელა ბალის ექსპორტი კატარში. ზურაბ ალავიძეს თქმით, ამ ქვეყანაში ექსპორტი გარკვეულ სირთულეებთან იყო დაკავშირებული, რადგანაც გადაზიდვები საჰაერო გზით ხდებოდა, ხოლო კატარის მიმართულებით ავიარეისების რაოდენობა მასშტაბური ექსპორტისთვის საკმარისი არაა.

ამ კუთხით საემიროები ოპტიმალური ვარიანტია, რადგანაც თბილისიდან დუბაიში დღეში 3 რეისი სრულდება.