თბილისი (GBC) - გერმანიის ფინანსთა სამინისტრო განიხილავს გერმანიაში მოქმედი „გაზპრომის“ და „როსნეფტის“ შვილობილი კომპანიებს ექსპროპრიაციის და ნაციონალიზაციის საკითხს - იტყობინება გერმანული ეკონომიკური გამოცემა Handelsblatt.

გაზეთის წყაროების ინფორმაციით, ამის მიზეზია შესაძლოა გახდეს პრობლემები რუსული გაზის მიწოდებასთან. მთავრობას სურს ენერგომომარაგების შეფერხების თავიდან არიდება იმ შემთხვევაში თუ სისტემური მნიშვნელობის რუსულ კომპანიებს სირთულეები გაუჩნდება.

 ამ დროისთვის გერმანიაში ორივე კომპანია შეუცვლელია - „გაზპრომი“ ფლობს გაზსაცავებს, „როსნეფტი“ კი მსხვილიო მოთამაშეა ბენზინის და დიზელის ბაზარზე.~ „ამ პრობლემასთან დაკავშირებით მთავრობა სხვადასხვა ვარიანტს განიხილავს, მათ შორის ისეთები, რომლებიც სულ რაღაც 1-2 კვირის წინ წარმოუდგენელი იყო“ - წერს გაზეთი.