თბილისი (GBC) - ევროპის რეკონსტრუქციისა და გავითარების ბანკის (EBRD) მონაცემებით, მიმდინარე წელს საქართველოს ეკონომიკა მხოლოდ 2%-ით გაიზრდება. EBRD პირველი საერთაშორისო საფინანსო ინსტიტუტია რომელმაც ომის დაწყების შემდეგ საკუთარი პროგნოზები გამოაქვეყნა.  წინა პროგნოზთან შედარებით საქართველოს პროგნოზი 3.5%-ით გაუარესდა. საქართველოსთან ერთად გაუარესებულია რეგიონის თიტქმის ყველა ქვეყნის ეკონომიკური ზრდის პროგნოზი. EBRD-ის მოლოდინით, წელს უკრაინის ეკონომიკა 20%-ით შემცირდება. ამასთან ომის გამო გაუარესებულია ევროპის ქვეყნების ეკონომიკური ზრდის მოლოდინებიც. კერძოდ, ომის გამო მშპ-ს 3.5%-ს დაკარგავს ლატვია და ქვეყანასი ზრდა წელს მხოლოდ 2% იქნება, 2%-ით იზარალებს ესტონეთის მშპ სადაც ზრდა ასევე 2% იქნება, 1.6%-ით გაუარესდა ჩეხეთის პროგნოზი სადაც წელს ზრდა სავარაუდოდ 3% იქნება. 

„საქართველო მნიშვნელოვნად არის დამოკიდებული რუს ტურისტებზე, დაწესებული სანქციების და შემცირებული ეკონომიკის ფონზე კი ეს ნაკადი საავარაუდოდ შემცირდება. ამასთან აღნიშნული უარყოფითად იმოქმედებს საქართველოდან ექსპორტზე“, - აღნიშნავს EBRD.