თბილისი (GBC) – სებ-ი 24 თებერვლიდან Bmatch-ზე რა მოცულობით დოლარი იყიდა,  25  აპრილს განაცხადებს.  საპენსიო სააგენტო კი 10  აპრილს  დაადეკლარირირებს, 1 მილიონი მოქალაქის 2.2 მლრდ ლარის ფონდიდან დოლარის შესყიდვაზე რამდენი დახარჯა.

მარტიდან საპენსიო სააგენტოს Bmatch-ზე შესვლის  და აქტიური ვაჭრობის  შესახებ, სებ-ის პრეზიდენტმა ოთხშაბათის მპკ-ს შემდეგ განაცხადა, რეფინანსირების განაკვეთის 11%-მდე გაზრდის გადაწყვეტილების გამოცხადებისას, ჟურნალისტების კითხვებზე საპასუხოდ.

პლატფორმაზე მოვაჭრე  13 ბანკი რჩება, ვითიბის გასვლის  შემდეგ. ასევეა 4 მისო, 3 რეზიდენტი  კორპორაცია და 1 არარეზიდენტი, მათ მათ შორისაა ვისოლი, მაგთი, Eaton Vance. არასაფინანსოს  წილი 10%-ის ფარგლებშია. ძირითადი ნავაჭრი ბანკებზე მოდის.

თებერვალში სებ-ის წმინდა  შესყიდვები $11.5 მლნ-ს შეადგენს. შესყიდვების შემდეგ სებ-ს სავალუტო აუქციონზე, 9 მარტს  39.7 მლნ დოლარის გაყიდვა მოუწია, კურსით - $1/3.4 ₾. ბაზარმა მოწოდებული $50 მლნ  სრულად არ აითვისა.

24 თებერვლის შემდეგი ვაჭრობების სტატისტიკაც 25 აპრილს გამოქვეყნდება. თებერვალში მთლიანად სავალუტო ბაზარზე სხვადასხვა ინსტრუმენტებით 2.3 მლრდ -ის  აშშ დოლარია შეძენილი.

შარშან, მარტის ჩათვლით,  მოედანზე, $142 მლნ -ზე მეტი იყო  ნავაჭრი. პლატფორმის მიმზიდველობას განაპირობებს. გარიგებების ავტომატური რეჟიმი, თავისუფლება, ანონიმურობა (გარიგების მხარეები ავტომატურ რეგისტრაციამდე ერთმანეთს ვერ ხედავენ, კონტრაგენტებს და ლიმიტებს თავად ირჩევენ) და + ყველა სხვა..., რაც ოპტიმალურ კურსს უზრუნველყოფს.

ბლუმბერგის ეს პლატფორმა 03/2020 -დან გაეშვა, თავდაპირველად სებ-მა და ბანკებმა გატესტეს. იანვრიდან (2021) ბანკებს და მისოებს ნელ-ნელა მსხვილი ნავთობიმპორტიორი და მობილური ოპერატორი შეუერთდა, თუმცა განაცხადებს შუამავალი ბანკის მეშვეობით მანამდეც წარადგენდნენ.

როგორც იცით  $/₾ (ჯერ მოედანს სხვა წყვილები არ აქვს) კონვერტაციის შეთავაზება კომერციული ბანკის გავლითაც შესაძლებელია. პროფილური კომპანიების ფინანსისტების განმარტებით, Bmatch-ის ხიბლი, ერთდროულად ბევრ მხარესთან , მათ შორის  ყველა ბანკთან, კომპანიის სასურველი კურსით გარიგების შესაძლებლობაა.