Tbilisi (GBC) –  29 მარტს მოსკოვის სავალუტო ბირჟაზე ვაჭრობა რუბლის მკვეთრი გამყარებით დასრულდა - პირველად 25 თებერვლის შემდეგ დოლარის ღირებულება 85,2-მდე დაეცა.

რუბლი ასევე გამყარდა ევროსთან მიმართებაში - 94,1 რუბლი 1 ევრო.

რუბლი მყარდება უკვე რამდენიმე დღე - 4 დღის წინ 1 დოლარი 105 რუბლი ღირდა, შემდეგ კურსი 96-მდე და 93-მდე გამყარდა. 29 მარტს დილით 1 დოლარი უკვე 87,4 რუბლი ღირდა, ევრო კი - 96.

რუბლის გამყარებას ხელს უწყობს ძვირი ნავთობი და გაზი, იმპორტის მკვეთრი შემცირება, და მთავრობის მიერ ბიზნესზე დაკისრებული ვალდებულება - სავალუტო შემოსავლების 80% სახელმწიფოსთვის მიყიდვის თაობაზე.