Tbilisi (GBC) – ტრანსკასპიური საერთაშორისო სატრანსპორტო მარშრუტის უფრო მეტად გამოყენების მიზნით, ყაზახეთი ქმნის პორტ აქტაუში მსხვილ საკონტეინერო ჰაბს - განაცხადა ინდუსტრიის მინისტრმა კაირბეკ უსენბაევმა.

რუსეთთან დაკავშირებული პრობლემების გამო, ასტანა ამუშავებს ალტერნატიულ მარშრუტებს ევროპის მიმართულებით - კერძოდ, ყაზახური საქონელი წავა ბალტიის ქვეყნების პორტებში - ლიეპაიში, რიგაში, და ვენტრსპილსში.

ამისთვის იგეგმება ტრანზიტის გაზრდა აზერბაიჯანის, საქართველოს, და თურქეთის ტერიტორიებზე, რისთვისაც მიღწეულია შეთანხმება 4 ქვეყნის მიერ ერთიანი სატრანსპორტო-ლოგისტიკური კომპანიის შექმნის თაობაზე.

ახალი მარშრუტი იწყება ყაზახურ პორტებში - აქტაუ ან კურიკი, შემდეგ ბორნით გრძელდება ბაქომდე, ბაქოდან კი რკინიგზით ფოთში ან ბათუმში, საქართველოდან კი ზღვით ევროპაში, ან ბაქო-ყარსის რკინიგზით - თურქეთში, სტამბოლში ან მერსინში, თურქეთიდან კი საბოლოოდ ევროპაში.