Tbilisi (GBC) - ომის გამო უკრაინა, მეტალურგიული სიმძლავრეების 30-40% დაკარგა - განაცხადა კომპანია „Метинвест“-ის გენერალურმა დირექტორმა იური რიჟენკოვმა.

„მარიუპოლის ქარხნები - ეს უკრაინაში ლითონის წარმოების მესამედზე მეტია, გამოდის, რომ ჩვენ მეტალურგიის მესამედი დავკარგეთ. თუმცა, დარწმუნებული ვარ, რომ განთავისუფლების შემდეგ ყველა საწარმო აღდგება“ - განაცხადა მან.

მისი თქმით, ეს ქარხნები ამუშავდება მხოლოდ უკრაინულ მარიუპოლში, ხოლო თუ ქალაქში ოკუპანტები შევლენ, არც ერთი საწარმო არ იმუშავებს.

„ეს ჩვენი მტკიცე პოზიციაა, და ჩვენ ყოველთვის ვმუშაობდით მხოლოდ უკრაინული კანონებით, უკრაინულ სამართლებრივ სივრცეში და საგადასახადო სისტემაში. იმისთვის, რომ მარიუპოლში აღდგეს ინდუსტრია, ქალაქში უნდა დაბრუნდეს უკრაინული სუვერენიტეტი“ - თვლის რიჟენკოვი.