თბილისი (GBC) – 2021 წელს საქართველოში 469 ერთეული ვალუტის გადამცვლელი პუნქტი (კომერციული ბანკების, მიკროსაფინანსო ორგანიზაციებისა და ადგილობრივი ერთეულების გარეშე) ფუნქციონირებდა, რომლის 46.3% ქ. თბილისში, 25.8% - აჭარაში, 8.1% - ქვემო ქართლში, 7.7% - იმერეთში, 3.2%- კახეთში, 3.2% - სამეგრელოზემო სვანეთში, ხოლო 3.2% დანარჩენ რეგიონებშია განთავსებული.

2021 წელს ვალუტის გადამცვლელი პუნქტების მიერ შესყიდული და გაყიდული ვალუტის მთლიანმა ბრუნვამ 6.4 მლრდ. ლარი შეადგინა, საიდანაც 51.8% - აშშ დოლარზე, 14.7% - ევროზე, ხოლო 33.5% სხვა ვალუტაზე მოდის.

ვალუტის გადამცვლელი პუნქტების მიერ 2021 წელს შეძენილ იქნა $543.0 მლნ. და €135.3 მლნ. იმავე პერიოდში გაყიდული აშშ დოლარისა და ევროს მოცულობა კი შესაბამისად შეადგენდა 520.5 და 132.0 მილიონს.

2021 წლის განმავლობაში ვალუტის გადამცვლელმა პუნქტებმა მომსახურება გაუწიეს 1.7მლნ კლიენტს.

2021 წელს სალაროში არსებული ნაღდი ფულის მოცულობა (კონვერტირებული ლარში) 29.7 მლნ. ლარით განისაზღვრა, რომლის 37.0% აშშ დოლარზე, 10.7% ევროზე, ხოლო 52.3 % სხვა ვალუტაზე მოდის. ბანკებში არსებული ფულადი სახსრების მთლიანი მოცულობა (1.8 მლნ.) სრულიად ნაწილდება მხოლოდ რეზიდენტ ბანკებზე.