თბილისი  (GBC) - მიმდინარე წლის თებერვალში გასული წლის ანალოგიურ პერიოდთან შედარებით, ქვეყანაში ხელფასის მიმღებ პირთა რაოდენობა 7%-ით გაიზარდა, ხოლო 2020 წლის ანალოგიურ პერიოდთან შედარებით ზრდა 3%-ია. ჯამში ქვეყანაში ხელფასი 916 ათასს პირს ერიცხება. PMC-ის მიერ ჩატარებული კვლევის მიხედვით, შემცირებულია იმ პირების რაოდენობა ვისი ხელფასიც თვეში 600 ლარს ჩამოცდებოდა და მათი რაოდენობა გასული წლის მეოთხე კვარტალში საშუალოდ 228 ათასს შეადგენდა. 

გასული წლის მეოთხე კვარტალში ქვეყანაში ხელფასების მოცულობა შემდეგნაირად ნაწილდებოდა: ხელფასის მიმღები 916 ათასი პირიდან 228 ათასის ხელფასი 600 ლარზე დაბალი იყო, 249 ათასის აღემატებოდა 600 ლარს თუმცა ჩამორჩებოდა 1200 ლარს, 266 ათასი პირის ხელფასი 1201-2400 ლარის ფარგლებში იყო, ხოლო 2400 ლარზე მაღალ ხელფასს კი 173 ათასი პირი იღებს. გამოდის რომ ბოლო 1 წლის განმავლობაში დასაქმების ბაზარი ერთის მხრივ გაიზარდა, მეორეს მხრივ კი მატება უმეტესად საშუალო და მაღალანაზრაურებად კადრებზე მოდიოდა და არა დაბალშემოსავლიან კადრებზე. შედარებისთვის - 2021 წლის პირველ კვარტალში 600 ლარზე დაბალ ანაზრაურებას 240 ატასი კაცი იღებდა, 1200-დან 2400 ლარამდე ხელფასს კი 206 ათასი; 2400 ლარზე მაღალ ხელფასს კი 100 ათასი პირი იღებდა.