თბილისი (GBC) – კიდევ ერთი რუსი ოლიგარქი, 11,4 მლრდ. დოლარის ქონების მფლობელო მიხაილ პროხოროვი რუსეთიდან გაიქცა. 24 მარტს საღამოს ის შვეიცარიიდან ისრაელში ავიაკომპანია „ეს ალი“-ს რეგულარული რეისით ჩამოფრინდა.

ამ დროისთვის უცნობია მისი სამომავლო გეგმები, და რისთვის ჩამოვიდა ის ისრაელში - იქ დასარჩენად, თუ რაიმე სხვა მიზნით. ისრაელის მას-მედიაში გავრცელდა ინფორმაცია, რომ ის რეპატრიაციას შეეცდება. შესაძლოა, მან მოახერხოს იმის დამტკიცება, რომ ბებიამისი ანა ისააკის ასული ბელკინა წარმოშობით ებრაელი იყო.