თბილისი (GBC) –,, ჯეო ჰოსპიტალს“ის გურჯაანის მრავალპროფილური სამედიცინო ცენტრი, რომელიც კოვიდ კლინიკის ფორმატში ფუნქციონირებდა, პაციენტების მომსახურების ჩვეულ რეჟიმს დაუბრუნდა.

ყველაზე მოთხოვნად სამედიცინო სერვისებზე , კოვიდ გადატანილი პაციენტებისთვის ხელმისაწვდომობის გაზრდის მიზნით , სპეციალური საშეღავათო ტარიფები მოქმედებს .
,,ჩვეულ ფორმატში დაბრუნების შემდეგ , მოსახლეობას მეტ შესაძლებლობას გავუჩენთ სხვადასხვა შეღავათიანი პროგრამებით და აქციებით ისარგებლონ , ამასთანავე არ უნდა დაგვავიწყდეს ,რომ კოვიდი არსად წასულა და დღეის გადმოსახედიდან, სახეზეა ჯანმრთელობის მხრივ ის გართულებები , რომელიც მსუბუქი ფორმით გადატანის შემთხვევაშიც კი იჩენს თავს. ამიტომ მნიშველოვანია დროულად მოხდეს პოსტკოვიდისთვის დამახასიათებელი სიმპტომების მართვა, რითაც თავიდან ავიცილებთ შემდგომ გართულებებს . სწორედ ამ მიზნით , ქსელის მასშტაბით შეიქმნა სპეციალური პროგრამა , გაიწერა სამკურნალო გაიდლაინები და მოსახლეობის ხელმისაწვდომობის მიზნით სპეციალური სატარიფო პოლიტიკაც განვსაზღვრეთ „- განაცხადა ,,ჯეო ჰოსპიტალს“ის გურჯაანის მრავალპროფილური სამედიცინო ცენტრის დირექტორმა გელა ორველაშვილმა, მისევე თქმით პარალელურად აქტიურ რეჟიმში რჩება ონლაინკლინიკა , რომელიც პაციენტების ბინაზე მართვას უზრუნველყოფს.
,, 2 წლის განმავლობაში კახეთის მასშტაბით მოქმედმა ონლაინკლინიკამ ბინაზე 700 ათასზე მეტი კოვიდინფიცირებულის წარმატებით მართვა შეძლო, საპილოტე პროექტი , რომელიც ჩვენს კლინიკაში დაიწყო, მსოფლიო ჯანდაცვის ორგანიზაციის მხრიდან , წარმატებულ მოდელად დასახელდა .“-აღნიშნა ორველაშვილმა.
შეგახსენებთ რომ ,პანდემიის პერიოდში ,,ჯეო ჰოსპიტალსის“ ქსელში დამატებითი საწოლ ფონდის მობილიზების მეშვეობით , კოვიდინფიცირებულთა მართვა ქვეყნის მასშტაბით ათ სამედიცინო ცენტრში განხორციელდა.

ამ ეტაპზე კი ყველა კლინიკა და ამბულატორიული ცენტრი საქართველოს 5ვე რეგიონში.