თბილისი (GBC) – ბოლო მონაცემებით რუსეთში ცხოვრების ღირებულება მნიშვნელოვნად გაიზარდა.

ოფიციალური მონაცემებით,წინა კვირის განმავლობაში საყოფაცხოვრებო  პროდუქტების ფასი,როგორიცაა შაქარი - 14%-ით გაიზარდა. ხოლო ვალუტის ღირებულება 22%-ით დაეცა.

რუსეთში ინფლაცია გრძელდება, რუბლმა შესუსტება დაიწყო ომის დაწყების პირველივე დღეებში.

ოთხშაბათს, რუსეთის ეკონომიკის სამინისტრომ განაცხადა, რომ წლიური ინფლაცია 14,5%-ით გაიზარდა(18 მარტს დასრულებულ კვირაში) -ეს ყველაზე მაღალი დონეა 2015 წლის შემდეგ.

ფედერალური სახელმწიფო სტატისტიკის სამსახურის განცხადებით, შაქრის ღირებულება გარკვეულ რეგიონებში გაიზარდა 37,1%-ით.

ქვეყნის მასშტაბით ხახვზე ფასი საშუალოდ 13.7%-ით გაიზარდა,ზოგიერთ რაიონში 40.4%-ით.ბავშვის საფენები 4,4%-ით გაძვირდა. შავი ჩაი 4%-ით, ტუალეტის ქაღალდზე კი 3%-იანი მატებაა.

სტივენ ინესმა, SPI Asset Management-ის მმართველმა პარტნიორმა, თქვა, რომ ფასები უფრო მაღალია გაუფასურებული რუბლის გამო.

წყარო: BBC