თბილისი (GBC) – Western Union-ი რუსეთში ყველა არხის მეშვეობით ოპერაციებს აჩერებს, თუმცა პროცესი დაუყოვნებლივ არ შეჩერდება.

კომპანია მომხმარებლებს აფრთხილებს, რომ თანხის გადარიცხვა რუსეთსა და ბელარუსში 21 მარტამდე შეეძლებათ. ხოლო მიმღებ პირებს ორივე ქვეყანაში თანხის აღება 23 მარტის 21:00 საათამდე შეეძლებათ (მოსკოვის დროით). რუსეთში მომხმარებლებს თანხის აღება ქეშის სახით, მხოლოდ რუბლში შეეძლებათ, ხოლო ბელარუსში შესაძლებელია ვალუტის არჩევა და პირდაპირ ბანკის ანგარიშზე ჩარიცხვა.

რაც შეეხება თანხის გადარიცხვებს რუსეთიდან და ბელარუსიდან, ეს უკვე შესაძლებელია 23 მარტის 21:00 საათამდე. ხოლო, მიმღებთათვის არ არის რაიმე დედლაინი თანხის ასაღებად, აღნიშნული ქვეყნებიდან გადმორიცხულ თანხებზე.