თბილისი (GBC) - Georgia Capital PLC-ის (GCAP) დირექტორთა საბჭომ კომპანიის აქციების გამოსყიდვისა და გაუქმების პროგრამის გაფართოვება დაამტკიცა.

პროგრამა, რომელიც GCAP-მა გასული წლის 10 აგვისტოს დამტკიცდა, ჯერ $10 მლნ-ის აქციების გამოსყიდვას და გაუქმებას ითვალისწინებდა, რომელიც გასულ წელსვე $15 მლნ-მდე გაიზარდა, ხოლო ახლა კი აღნიშნულ თანხას დამატებით $5 მლნ დაემატა.

საერთო ჯამში მიმდინარე წლის 10 აგვისტომდე კაპიტალის შესამცირებლად $20 მლნ-ის აქციების გამოსყიდვას და გაუქმებას  გეგმავს.

პროგრამის გაშვებიდან 9 მარტის მდგომარეობით, GCAP-ს 1,462,897 აქცია აქვს გამოსყიდული, ჯამური ღირებულებით $ 12,523,816. აქედან კი 1,372,330 ცალი აქცია გაუქმებულია.

2021 წლის AGM-ზე განსაზღვულია, რომ კომპანიას მაქსიმუმ 7,180,777 აქციის გამოსყიდვა შეუძლია.

ცნობისთვის,  დღეს GCAP-ის აქციები £5.36-ზე ივაჭრება. ფასი უკრაინა - რუსეთის ომის დაწყებამდე მზარდ ტრენდს ინარჩუნებდა (<£7), თუმცა ომის დაწყების შემდეგ ლონდონის საფონდო ბირჟზე დალისტული ყველა ქართული კომპანიის აქციებზე ფასები დაეცა.