თბილისი (GBC) - დამყრობელი რუსეთის მიმართ ნეგატიური განწყობების გამო ბევრი დასავლური კომპანიის რისეთის ბაზრიდან გავიდა, თუმცა ჯერ კიდევ რჩებიან ისინი, რომლებიც გმობენ რუსეთის აგრესიას,

ერთერთი მათგანია Burger King-ი. რესტორანმა Brands International, რომელიც ფლობს Burger King-ს, განუცხადა BBC-ს, რომ მის რუსულ მაღაზიებს მართავენ ფრენჩაიზები, რომლებთანაც მათ ჰქონდათ „გრძელვადიანი იურიდიული შეთანხმებები“, რომელთა შეცვლა ადვილი არ იყო.

დასავლეთის ქვეყნების მიერ დაწესებულ სანქციებზე საპასუხოდ მოსკოვმა რუსული აქტივების გაყიდვა აკრძალა.

Marks & Spencer-ს აქვს 48 მაღაზია რუსეთში, მაგრამ მას მართავს თურქული ფრენჩაიზის კომპანია FiBA. M&S-მა განაცხადა, რომ აჩერებს თავისი საქონლის მიწოდებას FiBA-ს რუსული ბიზნესისთვის, მაგრამ მაღაზიები ქვეყანაში  ღია რჩება.

Yum Brands-მა, რომელიც ფლობს KFC-ს და Pizza Hut-ს განაცხადა,რომ აჩერებს ოპერაციებს მის მფლობელობაში მყოფ რუსულ KFC-ს რესტორნებში და ასრულებს შეთანხმებას თავის მთავარ ფრენჩაიზის Pizza Hut-ის ოპერაციების დროებით შეჩერების შესახებ.

British American Tobacco-მ განაცხადა, რომ აჩერებს თავის საქმიანობას უკრაინაში, რათა უზრუნველყოს პერსონალის „უსაფრთხოება და კეთილდღეობა“, მაგრამ ის აგრძელებს მუშაობას რუსეთში და ასრულებენ ყველა საერთაშორისო სანქციას.