თბილისი (GBC) - 2019 წლიდან, საპენსიო სააგენტოს გაშვებიდან თებერვლის ბოლოს მდგომარეობით, სააგენტოს წმინდა ნომინალური ამონაგები 33.44% იყო (ინფლაცია  27.36%), ბოლო 12 თვის კი 10.95% (ინფლაცია - 13.73%). რეალური ამონაგები კი 4.78% ინფლაციის გამოკლებით.

კერძოდ, სააგენტომ 2019 წლიდან დღემდე 300 მლნ ლარის ამონაგები მიიღო.  

საპესნიო სააგენტოს მონაწილეთა რაოდენობა თებერვლის მდგომარეობით, 1.083 მლნ ადამიანია, ხოლო აქტივების წმინდა ღირებულება კი 2.14 მლრდ ლარი.

როგორც იცით, საპენსიო აქტივები სრულად ლარში, ადგილობრივ ბაზარზეა განთავსებული. აქტივების 37.1% დაბანდებულია მიმდინარე ანგარიშებზე, 62%-ია სადეპოზიტო სერთიფიკატი და 0.9% კი ვადიანი დეპოზიტი.

სააგენტო დოლარში, საერთაშორისო ინდექსებში ინვესტირებისთვის, ფასების დაღმავალი ტრენდის გათვალისწინებით შესაძლებლობებს ხედავს, თუმცა მეორე მხრივ გაზრდილი ვოლატილობისა და ბუნდოვანების გათვალისწინებით, გარკვეულ ე.წ „ტაიმ აუტს“ იღებს და მოვლენების განვითარებას აკვირდება. 

სააგენტომ თანხები ვითიბი ბანკიდანაც გაიტანა და სხვა კომერციულ ბანკში განათავსა, რომელსაც არ აკონკრეტებს.