თბილისი (GBC) – „რუსეთიდან დროებით წასული დასავლური კომპანიების აქტივების ნაციონალიზება, ინვესტორების მხრიდან ათწლეულებით უნდობლობის გაჩენას, და საბოლოო ჯამში ქვეყნის 1917 წელში დაბრუნებას ნიშნავს“ - განაცხადა კომპანია «Норникель»-ის გენერალურმა დირექტორმა, რუსეთში ერთ-ერთმა ყველაზე ცნობილმა მილიარდერმა ვლადიმერ პოტანინმა.

მისი თქმით, ბევრი კომპანიის მხრიდან რუსეთში საქმიანობის შეჩერება ემოციური გადაწყვეტილება იყო, რომელიც გამოიწვია უცხოეთში საზოგადოებრივი აზრის უპრეცედენტო ზეწოლამ.

„სავარაუდოდ, ისინი ბოლოს და ბოლოს დაბრუნდებიან, ამიტომაც, ყველაზე ადეკვატური ზომა იქნება ამ კომპანიებში გარე მმართველობის დაწესება. ასე გახდება შესაძლებელი მფლობელებისთვის საკუთრების შენარჩუნება, და ამავე დროს პროდუქციის გამოშვება და თანამშრომლებისთვის ხელფასების დარიგება“ - თვლის პოტანინი.