თბილისი (GBC) -ევროკავშირი გეგმავს რუსულ ენერგორესურსებზე უარის თქმას - შესაბამისი დეკლარაცია უკვე მომზადებულია, და მისი განხილვა ვერსალში დაგეგმილი სამიტის დროს განიხილება - იტყობინება სააგენტო Reuters.

დოკუმენტში ნათქვამია, რომ ომი უკრაინაში ევროპის ისტორიაში ტექტონიკური ძვრა აღმოჩნდა, ხოლო ევროკავშირისთვის არსებული ვითარება შეფასებულია, როგორც გადამწყვეტი, რადგანაც რუსეთი ევროპისთვის უმსხვილესი მიმწოდებელია - კერძოდ, მასზე ევროპაში გაზის მიწოდების 40%, ნავთობის მეოთხედის, და ნახშირის 50% მოდის.

„ზრდადი არასტაბილურობის, სტრატეგიული არასტაბილურობის, და უსაფრთხოების რისკებთან დაკავშირებით, ჩვენ ვიღებთ ჩვენს თავზე მეტ პასუხისმგებლობას საკუთარ უსაფრთხოებაზე, ჩვენი დამოკიდებულების შემცირებაზე, და ინვესტიციების ახალი მოდელის ჩამოყალიბების კუთხით“ - ნათქვამია დოკუმენტში.

ევროკავშირის ქვეყნები რუსულ ენერგომატარებლებზე სხვადასხვა დონეზე არიან დამოკიდებულები, ამიტომაც ევროკავშირი არ აზუსტებს მათზე უარის თქმის ვადებს. ერთად-ერო კონკრეტული ვადაა - 2030 წელი. „ჩვენ შევიმუშავეთ კონკრეტული გეგმები, და რუსულ ენერგომატარებლებზე უარს 2030 წლამდე ბევრად ადრე ვიტყვით“ - ნათქვამია რეზოლუციის პროექტში.

ამ დროისთვის რუსულ გაზზე ყველაზე მეტადაა დამოკიდებული გერმანია, იტალია, უნგრეთი, და ავსტრია.