თბილისი (GBC) –საერთაშორისო გამჭირვალობა საქართველოს მიერ გამოქვეყნებული დოკუმენტის თანახმად სახელმწიფო შესყიდვებიდან 410-მა რუსულმა კომპანიამ ბოლო 10 წლის განმავლობაში 590 მლნ ლარი მიიღო.

მათ შორის  ტოპ სამმა კომპანიამ ჯამურად 421 მლნ ლარი მიიღო, ესენია : ,,ლუკოილ ჯორჯია’’, ,,მეტროვაგონმშენი’’, ,,ჩელიაბინსკტრანსსიგალის საქართველოს ფილიალი’’. გაგაცნობთ ინფორმაციას ამ კომპანიებზე:

საჯარო რეესტრის სამსახურის მიხედვით ლუკოილ ჯორჯია საქართველოში დარეგისტრირდა 2002 წელს. მან სახელმწიფო შესყიდვებიდან 2011-2021 წლების განმავლობაში 200მლნ ლარი მიიღო.ლუკოილს სულ 34 სახელმწიფო ტენდერში აქვს მონაწილეობა მიღებული, აქედან 23-ში გაიმარჯვა,ხოლო 8 მიმდინერე ტენდერი ამჟამადაც ფიქსირდება. დოკუმენტაციიდან ირკვევა,რომ ლუკოილის 100%-იანი წილის მფლობელი შვეიცარიაში რეგისტრირებული სააქციო საზოგადოება LITASCO გახლავთ. ლუკოილი 2022 წლის იანვრის ტოპ 5 იმპორტიორ კომპანიაშიც ფიქსირდება. 2020 წლის ანგარიშგებით ლუკოილმა 239,3მლნ ლარი შემოსავალი დააფიქსირა და 5,7მლნ ლარის ხელფასები დაარიგა.

კომპანია ,,მეტროვაგონმშენმა’’ სახელმწიფო ბიუჯეტიდან 2011-2021 წლებში 175 მლნ ლარი მიიღო სახელმწიფო შესიდვებისგან. ამ სახელწოდებით საჯარო რეესტრის სამსახურში ინფორმაცია არ იძებნება.

შპს სამშენებლო-სამონტაჟო საექსპლუატაციო საწარმო ჩელიაბინსკტრანსსიგნალი-ს საქართველოს ფილიალს 2013 წელს დარეგისტრირდა. 8 წლის განმავლობაში კი  სახელმწიფო შესყიდვებიდან 46მლნ ლარი აქვს მიღებული. კომპანიას სულ 92 ტენდერში აქვს მიღებული და აქედან 29 მისი გამარჯვებით დასრულდა. ამის გარდა კომპანია 3 მიმდინარე ტენდერი უფიქსირდება.

წყარო: tendermonitor.ge, reportal.ge