Tbilisi (GBC) – მოსკოვის ბირჟაზე რუბლი მორიგ ანტირეკორდებს ხსნის - სავალუტო რეზერვების გარეშე დარჩენილი ცენტრალური ბანკი ეროვნულ ვალუტას ვერაფრით შველის, და რუბლის დევალვაციას სრულიად უკონტროლო ხასიათი მიიღო.

ამ დროისთვის დოლრაო 112, ხოლო ევრო 125 რუბლი ღირს, თუმცა, მეტწილად ეს მხოლოდ თეორიაა - ქვეყანაში ფიზიკურად არაა დოლარები და ევრო, ბანკომატები მუშაობენ მხოლოდ რუბლების გაცემაზე.

გარდა ამისა, ცენტრალურმა ბანკმა ვალუტის ყიდვაზე 30% საკომისიო შემოიღო, მოგვიანებით კი 15%-მდე დაწია, თუმცა, 15%-იც ძალიან ბევრია. რუბლის ვარდნა დაიწყო იმის შემდეგ, რაც რუსული ბანკების SWIFT-დან გაითიშა, და ევროკავშირმა და აშშ-მ 650 მლრდ. დოლარის ოდენობის რუსული სავალუტო რეზერვები გაყინა.