თბილისი (GBC) – რუსეთის მთავრობაში არ ელოდნენ დასავლეთის მხრიდან ყველა ქვეყნის მიერ შეთანხმებულ მასშტაბურ სანქციებს - იტყობინება „რადიო თავისუფლება“.

პირველ რიგში ეს მოულოდნელი აღმოჩნდა რუსეთის მთავრობის ფინანსურ-ეკონომიკური ბლოკისთვის.

„მთავრობაში ელოდნენ შეზღუდულ სანქციებს დონეცკის და ლუგანსკის რესპუბლიკების აღიარების გამო, თუმცა, არა სრულმასშტაბიანი ომის შედეგად დაწესებულ დამანგრეველ აკრძალვებს“ - განაცხადა წყარომ. ზოგადად, ომის დაწყება ამ ფორმატით, მთავრობის წევრებისთვის სრული მოულოდნელობა აღმოჩნდა - მეტის, მათ საერთოდ არ იცოდნენ ფართომასშტაბიანი ომის დაწყების გეგმების შესახედ.

ომის დაწყება მათთვის შოკი იყო.

„მთავრობა ემზადებოდა გარკვეული სანქციებისთვის, მაგალითად, SWIFT-დან გათიშვისთვის, და ამ კუთხით სტრეს-ტესტებსაც ატარებდა. მაგრამ დასავლეთი ბევრად უფრო მკაცრ ზომებზე წავიდა, მათ შორის ცენტრალური ბანკის აქტივების გაყინვაზე. ასეთ სანქციებზე არავის უფიქრია, და ამისთვის არავინ ემზადებოდა“ - განაცხადა წყარომ.