თბილისი (GBC) –  „ჩვენ ღრმად შეშფოთებულები ვართ უკრაინაში რუსეთის შეჭრის გამო. და მხარს ვუჭერთ ყველა იმ ადამიანს, ვინც ძალადობის შედეგად იტანჯება“ - ნათქვამია კომპანია Apple-ის განცხადებაში იმის თაობაზე, რომ კომპანია რუსეთში მუშაობას წყვეტს.

საქმე ეხება თითქმის ყველა მიმართულებას - ექსპორტს, სხვადასხვა აპლიკაციებს, ისეთების, როგორც Apple Pay, Apple store, და ა.შ.

ასევე  რუსულ სახელმწიფო მედიას  სმარტფონებში ჩატვირთვა აეკრძალა.

ჯერ კიდევ სამშაბათს რუსეთის ტერიტორიაზე გახსნილი იყო წვდომა Apple-ის ინტერნეტ-მაღაზიებთან, მაგრამ ტელეფონების ყიდვა უკვე შეუძლებელია. ამ დროისთვის ყველა სერვისი დაკეტილია რუსეთის მოქალაქეებისთვის. სადღეისოდ, Apple-ის დილერები რუსეთში ყიდიან დარჩენილ სმარტფონებს, რის შემდეგაც ისინი დაიხურებიან. მათი ინფორმაციით, არსებული მარაგები რამდენიმე თვით საკმარისია.

Apple-ის წილი სმარტფონების რუსულ ბაზაზე 16,8%-ს შეადგენს.