თბილისი (GBC) - საინვესტიციო ბანკი Galt&Taggart რუსეთ-უკრაინას შორის მიმდინარე ომის ფონზე საქართველოს ეკონომიკური ზრდის პროგნოზს ცვლის. G&T-ის პროგნოზით წელს ქვეყნის ეკონომიკა დაგეგმილი 5%-ის ნაცვლად 3%-ით გაიზრდება საბაზისო სცენარით. ნეგატიური სცენარის შემთხვევაში კი ეკონომიკა 1%-ით ვარდნას განიცდის.

ყველაზე ცუდი სცენარის შემთხვევაში G&T ელის რომ ქვეყანას ექსპორტი და ფულადი გზავნილები 520 მილიონი დოლარით შემცირდება წლიურად, თუმცა ეს დანაკარგი იმაზე დაბალია ვიდრეე მაგალითად 2020 წელს ტურიზმის გაჩერებით მიღებული ზარალი რომელიც 2 მილიარდ დოლარს აღემატებოდა.

პირველი სცენარის მიხედვით, რომელიც ომის დროულ ესკალაციას ითვალისწინებს - ლარის კურსი 3.25-ის ფარგლებში იქნება, ინფლაციის დონე სასუალოდ 7% იქნება, ხოლო ტურიზმის აღდგენა კი 75%-ით მოხდება.

მეორე სცენარის მიხედვით - რომელიც ომის გახანგრძლივებასთან ერთად, რუსეთისთვის ახალი სანქციების დაწესებასაც ითვალისწინებს - ქვეყნის ეკონომიკა 1%-ით შემცირდება; ლარის კურსუ 3.4-ზე იქნება, ხოლო ინფლაციის დონე კი 9%-ის ფარგლებში. ამ სცენარის მიხედვით ტურიზმი 2019 წლის დონესთან შედარებით 60%-ით აღდგება.