თბილისი (GBC) - რუსეთის წინააღმდეგ დაწესებული სანქციების ფარგლებში Mastercard-მა თავისი საგადამხდელო სისტემიდან რამდენიმე მსხვილი რუსული ბანკი გათიშა - დღეიდან ამ ფინანსური ინსტიტუტების ბარათები დაბლოკილია უცხოეთში, ან საერთაშორისო საიტებზე ტრანზაქციებისთვის.

რუსეთში მათი მუშაობა გაგრძელდება საგადამხდელო ბარათების ეროვნულ სისტემაში, რომელიც რამდენიმე წლის წინ დაარსდა.

კომპანიის გენერალური დირექტორის მაიკლ მიბახის თქმით, რუსეთის აგრესია უკრაინისთვის დამანგრეველი გახდა, და მთელი მსოფლიოს გულები დღეს იმათთანაა, ვისაც ეს შეეხო. აშშ-ს მაბლოკირებელ სანქციებს შორის მოხვდა რამდენიმე მსხვილი რუსული ბანკი - Сбербанк, ВТБ, «Открытие», Совкомбанк, Промсвязьбанк. Новикомбанк, Газпромбанк, РСХБ, Альфа-банк და Московский кредитный банк.