თბილისი (GBC) - შვეიცარიის პრეზიდენტმა იგნასიო კასისმა განაცხადა, რომ სავარაუდოდ, ნეიტრალური შვეიცარია შეუერთდება რუსეთის წინააღმდეგ სანქციებს და რუსულ აქტივებს გაყინავს.

კასისმა, განაცხადა, რომ ფედერალური საბჭო ორშაბათს შეიკრიბება და განიხილავს ფინანსთა და ეკონომიკის დეპარტამენტების რეკომენდაციებს.

კითხვაზე, შეუერთდება თუ არა შვეიცარია ევროკავშირს რუსული აქტივების გაყინვაში, მან უპასუხა, რომ ”დიდი ალბათობაა, რომ მთავრობა ამას გადაწყვეტს ხვალ", თუმცა წინასწარ ვერ განჭვრეტს, გადაწყვეტილებებს, რომელიც ჯერ არ მიღებულა.

კასისმა ასევე აღნიშნა, რომ შვეიცარიის ნეიტრალიტეტი უნდა იყოს შენარჩუნებული და ის მზადაა შესთავაზოს დიპლომატიური მომსახურება, თუ ბელორუსის საზღვარზე უკრაინელ და რუს ოფიციალურ პირებს შორის მოლაპარაკებები წარმატებული არ იქნება.