თბილისი (GBC) –ვლადიმერ პუტინის მიერ უკრაინის წინააღმდეგ სამხედრო აგრესიის დაწყებას რუსულმა ბაზარმა პანიკური ვარდნით უპასუხა - მოსკოვის ბირჟის ინდექსი დილიდან 10,4%-ით დაეცა. ვარდნაა სავალუტო ბაზარზეც - რუსული რუბლის კურსი დოლართან მიმართებაში 80,4-დან 84,06-მდე. ხოლო ევროსთან - 91,8 დან 95,1-მდე დაეცა.

დღეს დილით ვლადიმერ პუტინმა განაცხადა, რომ იწყებს „დონბასის დაცვის მიზნით სამხედრო სპეცოპერაციას“, და უკრაინელ სამხედროებს იარაღის დაყრისკენ მოუწოდა. მისი თქმით, ოპერაციის მიზანია უკრაინის ‘დემილიტარიზაცია და დენაციფიკაცია“.

ამ წუთებში რუსული ავიაცია ბომბავს სამხედრო ინფრასტრუქტურას უკრაინის სხვადასხვა ქალაქებში.