თბილისი (GBC) –   რუსეთს და უკრაინას შორის კონფლიქტის ესკალაციას შეუძლია გამოიწვიოს სურსათზე ფასების შემდგომი ზრდა, და ეს მაშინ, როდესაც გლობალურ ბაზარზე კვების პროდუქტების ფასები ისედაც მაქსიმუმზეა.

ამის მიზეზი ისაა, რომ ორივე ქვეყანა მარცვლეულის მსხვილი მწარმოებელია, და მათ შორის ესკალაციის გაღვივება ხორბლის და ზეთის მყიდველებს ალტერნატიული წყაროების მოძიებას აიძულებს. ეს კი, ცხადია, ფასების ზრდას გამოიწვევს.

მიწოდების შეფერხებები უკვე შეიმჩნევა - სატვირთო გემები ცდილობენ შავ ზღვაში არ შევიდნენ, ამიტომაც პრობლემები უკვე არის. რუსეთზე და უკრაინაზე ხორბლის 29%, სიმინდისა 19%, და მზესუმზირას ზეთის ექსპორტის 90% მოდის.