თბილისი (GBC) - 2022 წლის იანვარში, 2021 წლის იანვართან შედარებით, სასტუმროების ფასების ინდექსი 5.3%-ით გაიზარდა, მათ შორის 3, 4 და 5 ვარსკვლავიანი სასტუმროების ფასების ინდექსი 5.9%-ით, ხოლო საოჯახო ტიპის სასტუმროების ფასები 9.4%-ით გაიზარდა.  PMC-ის კვლევის მიხედვით, სასტუმროების ფასების ინდექსი 2022 წლის იანვარში, 2021 წლის დეკემბერთან შედარებით, 7.2%-ით შემცირდა, მათ შორის 3, 4 და 5 ვარსკვლავიანი სასტუმროების ფასების ინდექსი 5.2%-ით, ხოლო საოჯახო ტიპის სასტუმროების ფასები 9.6%-ით შემცირდა. კვლევის შედეგები მიღებულია საქართველოს 10 რეგიონში და თბილისში 3*, 4*, 5* და საოჯახო ტიპის სასტუმროების სტანდარტული ორ ადგილიანი ნომრების ფასებზე დაკვირვებით. 

იანვარში, საქართველოში 3-ვარსკვლავიანი სასტუმროების საშუალო ფასმა5 132 ლარი შეადგინა, ხოლო 4-ვარსკვლავიანი სასტუმროების საშუალო ფასმა - 237 ლარი. საოჯახო ტიპის სასტუმროების6 საშუალო ფასმა იანვარში 107 ლარი შეადგინა.

5-ვარსკვლავიან სასტუმროთა საშუალო ფასმა იანვარში 441 ლარი შეადგინა. კახეთში, ამ ტიპის სასტუმროებში, სტანდარტული 2-ადგილიანი ნომრის საშუალო ფასმა 567 ლარი შეადგინა, თბილისში - 524 ლარი, სამცხე-ჯავახეთში - 487 ლარი, ხოლო აჭარაში - 362 ლარი.