თბილისი (GBC) – საქსტატის მონაცემებით, 2021 წლის მე-4 კვარტალში საქართველოში კვლავ მაღალია თვითდასაქმებულთა მაჩვენებელი.

კერძოდ, დაქირავებულის სტატუსით, ოფიციალურ სექტორში დასაქმებულთა მაჩვენებელმა 67,6% შეადგინა, რაც გასული წლის ანალოგიურ პერიოდთან შედარებით 0,4%-ით მეტია. თვითდასაქმებულია 32.4%.

ეს საშუალო მაჩვენებელია ბოლო წლების მანძილზე - ყველაზე მაღალი იყო თვითდასაქმებულთა წილი 2020 წლის მე-3 კვარტალში - 33,4%, ყველაზე დაბალი კი - 2020 წლის პირველ კვარტალში - 29,4%.

საშუალოდ თვითდასაქმების დონე 30%-ს მიდამოებში მერყეობს, რაც ყველა შემთხვევაში მაღალი მაჩვენებელია - მაგალითად, ევროკავშირის ისეთ მეორეხარისხოვან და სუსტ ქვეყანაში, როგორც ბულგარეთი, თვითდასაქმებულია მხოლოდ 12,5%, ხოლო განვითარებულ ქვეყნებში 10%-ს არ აღემატება.