თბილისი (GBC) - აზერბაიჯანს გააჩნია საკმარისი რესურსები გაზის ევროპაში მიწოდების ზრდისთვის, თუმცა,  ნავთობისგან განსხვავებით, გაზის ექსპორტის კონკრეტული მომხმარებელი და მყიდველი სჭირდება - განაცხადა ქვეყნის მინისტრის მოადგილემ ელნურ სოლტანოვმა.

„ტანგოს წყვილი ცეკვავს. ნავთობის ბაზრისგან განსხვავებით, გაზის საბადოები მხოლოდ მაშინ მუშავდება, როდესაც კონკრეტული მყიდველიც და კონკრეტული შეთანხმებებიც არსებობს. საწყის სტადიაზე საჭიროა მსხვილი ინვესტიციები, ახალი საბადოების ამუშავებას ასევე 5-6 წელი სჭირდება. ამიტომაც ამ საკითხში სტრატეგიული მიდგომა და ყველაფრის კარგად დათვლაა საჭირო“ - განაცხადა მაღალჩინოსანმა.

სოლტანოვის თქმით, ამჟამად აზერბაიჯანი ევროპას 10 მლრდ. კუბურ მეტრ გაზს აწვდის, და ეს მნიშვნელოვანი რაოდენობაა ისეთი ქვეყნებისთვის, როგორც საბერძნეთი და ბულგარეთი.

ამ დროისთვის მიმდინარეობს საბადო შახ-დენიზის გაფართოების სამუშაოები.