თბილისი (GBC) – 2021 წელს საქართველოში სულ $382მლნ-ს დაფასოებული სამკურნალო საშუალებები იმპორტირდა,რაც  16.8%-ით მეტია წინა წლის ანალოგიურ პერიოდთან შედარებით. 2020 წელს ჯამში $327 მლნ-ს მედიკამენტები იმპორტირდა.

მედიკამენტების მიმწოდებელ ქვეყნებს შორის გერმანია ლიდერობს, საიდანაც წლის განმავლობაში $51.3მლნ-ს წამლები შემოვიდაა(13.4%).

იმის მიუხედავად, რომ ბოლო პერიოდში მთავრობა აცხადებს, რომ გახსნა ბაზარი იაფი თურქული წამლებისთვის, სინამვდილეში აქამდეც, 2021 წელს,  თურქეთი წამლების მმწოდებელ ქვეყანათა შორის ისედაც მე-2 ადგილზე იყო (46,5 მლნ. დოლარი და მთლიანი იმპორტის 12,2%). მესამეზე უნგრეთი საიდანაც $36.9 მლნ-ს მედიკამენტები იმპორტირდა(9.6%).

რაც შეეხება სამკურნალო საშუალებების ექსპორტს, საქართველოდან 2021 წელს სულ $99.1მლნ-ს მედიკამენტები გავიდა. ექსპორტირებული მედიკამენტების 46.8%-უზბეკეთში გავიდა ($46.4მლნ). მეორე ადგილზეა აზერბაიჯანი 18%($17.9მლნ). ბოლო მესამეზე სომხეთი 8.6%-ით($8.56მლნ).