თბილისი (GBC) – „საქართველოს შესაშური გამოცდილება ეკონომიკური თავისუფლების კუთხით, ბოლო ათწლეულების მანძილზე შეფერხდა.  სუსტი ფინანსური მდგომარეობის და ბიზნესის შეზღუდული თავისუფლების გამო საქართველოს პოზიციები რეიტინგში გაუარესდა“ - ნათქვამია საერთაშორისო ორგანიზაცია Heritage foundation-ის ანგარიშში, რომელიც ეკონომიკური თავისუფლების ყოველწლიურ რეიტინგს შეეხება.

საქართველომ ამ სიაში 29-ა ადგილი დაიკავა, მაშინ, როდესაც 2021 წლეს - მე-12.

შეფასებები გაუარესდა თითქმის ყველა კუთხით - რეიტინგი შედგება 12 კრიტერიუმიდან, და მათ შორის 8-ში გაუარესება დაფიქსირდა, 3 შენარჩუნდა, და მხოლოდ ერთში - ვაჭრობის თავისუფლება - გაუმჯობესდა.

განსაკუთრებით პრობლემურადაა მიჩნეული საკუთრების დაცვა, სასამართლოს დამოუკიდებლობის დაბალი ხარისხი, და ასევე ბიზნეს-დავებთან დაკავშირებული სასამართლო დავების ხანგრძლივობა. პრობლემად რჩება ასევე ინვესტიციების გაუმჭვირვალობა და ფინანსური ბაზრის სუსტი განვითარება.

სირთულეების მიუხედავად, საქართველოს მაჩვენებლები რეგიონში საუკეთესოა - სომხეთმა რეიტინგში 58-ე, აზერბაიჯანმა 75-ე, თურქეთმა 107-ე,  რუსეთმა 113-ე. უკრაინამ 130-ე ადგილები დაიკავეს.

რეიტინგის პირველ ხუთეულშია სინგაპური, შვეიცარია, ირლანდია, ახალი ზელანდია, და ლუქსემბურგი.

სიის ბოლოში (173-177) განლაგდნენ ჩრდილოეთ კორეა, ვენესუელა, კუბა, სუდანი, და ზიმბაბვე.