თბილისი (GBC) –  ევროკავშირი მუშაობს ზომებზე, რომლებიც დაეხმარება ევროპას ენერგოკრიზისის თავიდან არიდებაში იმ შემთხვევაში, თუ რუსეთი ნაწილობრივ ან მთლიანად შეწყვეტს გაზის მიწოდებას.

„ასეთი შემთხვევისთვის ჩვენ რამდენიმე მოდელი შევიმუშავეთ და დღეს ჩვენ წინა პერიოდთან შედარებით უსაფრთხო მდგომარეობაში ვართ“ - განაცხადა ევროკომისიის თავმჯდომარემ ურსულა ფონ ლიაიენმა.

მისი თქმით, ამჟამად გაზის მიწოდების ზრდასთან დაკავშირებით მიმდინარეობს მოლაპარაკებები აზერბაიჯანთან, აშშ-სთან, ყატართან, ეგვიპტესთან და ნიგერიასთან. ყველა ამ მიმართულებიდან ბრიუსელი გაზის მიწოდების -მაქსიმალურ ზრდას მოელის. „ბოლო წლებში ევროკავშირის ენერგეტიკული ინფრასტრუქტურა საკმაოდ კარგად განვითარდა, რამაც ქვეყნებს შორის გაზის და ელექტროენერგიის დანაწილება გააუმჯობესა, თუმცა, რუსული გაზის ექსპორტის მთლიანი შეწყვეტის შემთხვევაში, აუცილებელი გახდება დამატებითი ზომები“ - განაცხადა ფონ ლიაიენმა. -

-