თბილისი (GBC) – ევროკომისარმა ეკონომიკის საკითხებში პაოლო ჯენტილონიმ განაცხადა, რომ ვერ ხედავს მთავრობების მიერ კორონავირუსის საწინააღმდეგო ვაქცინაციის სავალდებულო ჩატარების აუცილებლობას, რადგანაც პანდემიის სიმწვავემ მკვეთრად იკლო - იუწყება Deutche welle.

„დისკუსია სავალდებულო ვაქცინაციაზე აქტუალური იყო რამდენიმე თვის წინ. მაგრამ დღეს ეს აუცილებელი არაა. მთელს ევროკავშირში ვხედავთ სიკვდილიანობის და ჰოსპიტალიზების მაჩვენებლის შემცირებას. ქვეყნები, ერთი მეორე მიყოლებით, შეზღუდვებს ხსნიან“ - ამბობს ევროკომისარი.

თუმცა, ამავე დროს მან განაცხადა, რომ სავალდებულო ვაქცინაციის წინააღმდეგი არაა, და მიიჩნევს, რომ ყველა ქვეყანამ ეს საკითხი დამოუკიდებლად უნდა გადაწყვიტოს.