თბილისი (GBC) – სომხეთში პრემიერ-მინისტრის ნიკოლ პაშინიანიას განკარგულებით, შეიქმნა სამუშაო ჯგუფი, რომელმაც რუსეთში საქართველოს გავლით „მაწუნის“ სახელით ცნობილი რძის ნაწამის ექსპორტის საკითხებს განიხილავს.

როგორც ცნობილია, საქართველომ თავისი ტერიტორიით „მაწუნის“ რუსეთში ექსპორტი აკრძალა, რადგანაც რამდენიმე წლის წინ სწორედ საქართველომ მიიღო საავტორო უფლებები მცნება „მაწონზე“, რაც ავტომატურად სომხურ „მაწუნ“-ზეც ვრცელდება.

„ჩვენ მივიღებთ შესაბამის საკანონმდებლო ცვლილებებს, რომლებიც „მაწუნის“, როგორც გეოგრაფიული დასახელების რეგისტრაციის საშუალებაც მოგცემს. ამის შემდეგ საქართველოსთან „მაწონის“ და „მაწუნის“ ურთიერთაღიარებაზე მოლაპარაკებები დაიწყება“ - განაცხადა სპეციალური კომისიის წევრმა, ეკონომიკის სამინისტროს ინტელექტუალური საკუთრების ოფისის ხელმძღვანელმა კრისტინე გამბარიანმა.

მისი თქმით, ქართულმა მხარემ უკვე წარადგინა დოკუმენტის პროექტი, რომელიც მხარეების მიერ გეოგრაფიული დასახელებების ურთიერთაღიარებას და დაცვას გულისხმობს.