თბილისი (GBC) –   ტენდერი საპენსიო მომსახურებაზე გამოცხადდება 1 კვირაში და 1 თვე გაგრძელდება. ამ დროისთვის გამოკვეთილია 2 პრეტენდენტი -„ლიბერთი ბანკი“ და „საქართველოს ბანკი“.

აღსანიშნავია რომ სატენდერო პირობებში ცვლილებაა შეტანილი - კერძოდ, განისაზღვრა საპენსიო სესხის მაქსიმალური ზღვარი, რომელიც რეფინანსირების განაკვეთს+15%-ს შეადგენს, რაც 25,5%(ეფექტური 26%) შეადგენს. ეს 10 პ.პ.-ით ნაკლებია, ვიდრე დღეს არსებული ამ ტიპის სესხებზე პროცენტები,

ასევე, სატენდერო პირობების თანახმად, პენსიების დარიგებისთვის 15 მლნ. ლარის სუბსიდიებია გათვალისწინებული.

„ლიბერთი ბანკს“ სატენდერო პირობებზე თავისი პოზიცია არ დაუფიქსირებია.

ახალი ხელშეკრულება ძალაში 2023 წლიდან შევა, და 7 წელი იმოქმედებს. ამ დროისთვის საქართველოში 1,2 მლნ.-მდე პენსიონერია.