თბილისი (GBC) –2021 წელს, საქართველოში პენსიის და სოციალური პაკეტის მიმღებთა რიცხოვნობამ 971 648 პირი შეადგინა,რაც 1.4%-ით მეტია წინა წლის იმავე პერიოდთან შედარებით (2020-958317).

აქედან, პენსიის (ასაკით პენსია) მიმღები იყო 793 751 პირი(2020-783 705 პირი), რომელთაგან 71.5 პროცენტი ქალია, ხოლო 28.5 პროცენტი - კაცი. რეგიონების მიხედვით პენსიის მიმღებთა 29.4 პროცენტი თბილისშია, 16.3 პროცენტი - იმერეთში, 10.8 - პროცენტი სამეგრელო-ზემო სვანეთში, 9.8 პროცენტი - ქვემო ქართლში, 8.9 პროცენტი - კახეთში, დანარჩენ რეგიონებში კი ჯამურად 24.8 პროცენტი ფიქსირდება.

სოციალური პაკეტის მიმღებ პირთა საერთო რიცხოვნობამ 177 897 შეადგინა,რაც 1.9%-ით მეტია წინა წლის მაჩვენებელზე(2020- 174612), საიდანაც 34.7 პროცენტს ქალები შეადგენენ, ხოლო 65.3 პროცენტს - კაცები.

2021 წელს, მიზნობრივი სოციალური პროგრამების მონაცემთა ბაზაში რეგისტრირებული ოჯახების რაოდენობამ 350 959 ერთეული შეადგინა,რაც 6%-ით მეტია წინა წლის მაჩვენებელზე(2020-330943), ხოლო საარსებო შემწეობის მიმღები ოჯახების რაოდენობამ - 174 379(2020- 146619). რეგიონების მიხედვით ყველაზე მეტი რეგისტრირებული ოჯახი თბილისში დაფიქსირდა და 67.0 ათასი შეადგინა, მიმღებთა რაოდენობა კი 38.0 ათასით განისაზღვრა.

წყარო: საქსტატი