თბილისი (GBC) –  მსოფლიო ბანკის შეფასებით, იმის მიუხედავად, რომ განათლების შედარებით დაბალი დონის გამო, ღარიბი ქვეყნების ზარალი ლოკდაუნების დროს საგანმანათლებლო დაწესებულებების დახურვის გამო მდიდარ ქვეყნებთან შედარებით ნაკლები იქნება, გრძელვადიან პერსპექტივაში ისინი მაინც მეტად დაზარალდებიან.

ამის მიზეზი კი ისაა, რომ ლოკდაუნების დროს გაჩენილი პრობლემები შესაძლოა გადაუწყვეტელი დარჩეს. მდგომარეობას დაამძიმებს ისიც, რომ ღარიბ ქვეყნებში სკოლის გარეთ განათლების მიღების ნაკლები საშუალებები არსებობს, ვიდრე მდიდრებში.

ღარიბ ქვეყნებში მოსწავლეთა მხოლოდ 2/3-მა განაგრძო სწავლა სკოლებში ლოკდაუნის დროს, რადგანაც დანარჩენებს ონლაინ-სწავლების შესაძლებლობა არ გააჩნიათ. ღარიბ ქვეყნებს ასევე გაუჭირდებათ საბიუჯეტო ხარჯების ზრდასთან გამკლავება.

მსოფლიო ბანკის მონაცემებით 2021 წლის ბოლოს მოსწავლეთა ნახევარი ცხოვრობს ქვეყნებში, სადაც სკოლები ჯერ ბოლომდე გახსნილი არაა. ბანკის ანალიტიკოსები მოუწოდებენ მთავრობებს რაც შეიძლება სწრაფად გახსნან სკოლები, წინააღმდეგ შემთხვევაში ლოკდაუნებისგან ეკონომიკური შედეგები განათლების სისტემისთვის ძალიან მძიმე იქნება.