თბილისი (GBC) -საერთაშორისო თანამშრომლობის და განვითარების შვედურმა სააგენტო Sida-მ საქართველოში 14,4 მლნ. დოლარის პროექტები დააფინანსა - იტყობინება სააგენტო Trend.

პროგრამები რეალიზებულ იქნა ისეთ დარგებში, როგორც ბაზრის განვითარება, დემოკრატიული ინსტიტუტების მხარდაჭერა, ადამიანის უფლებები, და ეკოლოგია.

სააგენტოს ერთ-ერთი უმსხვილესი პროექტი იყო გაეროსთან ერთად რეალიზებული გენდერული თანასწორობის პროგრამა, რომელიც ქალთა პოლიტიკური და ეკონომიკური უფლებების გაფართოებას ახალისებს.

Sida-ს კიდევ ერთი პროექტი - "Keep Georgia Tidy", მიზნად ისახავს სასათბურე გაზების გამოყოფის და გარემოს დაბინძურების შემცირებას. პროგრამის რეალიზება 2022 და 2023 წლებში გაგრძელდება.

TBC Bank-თან ერთად შვედური სახელმწიფო სააგენტო ახორციელებს პროგრამას „პორტფელის გარანტია“, რომლის ფარგლებშიც ხდება მცირე და საშუალო ბიზნესის დაკრედიტება.

Sida ასევე მხარს უჭერს კვლევით ინსტიტუტს ISET-ს, და ამ მხარდაჭერის მიზანია ამ ორგანიზაციის ჩამოყალიბება სამხრეთ კავკასიაში ეკონომიკური პოლიტიკის შემსწავლელ მოწინავე ინსტიტუტად.