თბილისი (GBC) – აფხაზეთში ისევ დაუწყო გეგმური შეზღუდვები მოსახლეობისთვის ელექტროენერგიის მიწოდებაში - იტყობინება სახელმწიფო ენერგოკომპანია „ჩერნომორენერგო“.

„იმის გამო, რომ წყლის დონე ჯავის წყალსაცავში კრიტიკულ ნიშნულს - 415 მეტრს- მიუახლოვდა, და ამავე დროს მაღალი მოხმარების ფონზე ხარჯვა შედინებას აღემატება, ელექტროსადგურის სრული გაჩერების თავიდან არიდებისთვის, შემოღებულ იქნა შეზღუდვები ენერგიის მიწოდებაში“ - ნათქვამია განცხადებაში.

ახალი განრიგი ყველაზე მეტად აღმოსავლეთ აფხაზეთს - გალის და ოჩამჩირის რაიონებს შეეხება, თუმცა, გარკვეული შეზღუდვები სხვა რეგიონებს და სოხუმსაც შეეხება. ამის მიზეზია რუსეთიდან ელექტროენერგიის მიწოდების შემცირება - აფხაზეთის ამორტიზებული ენერგოსისტემა დატვირთვას ვერ უძლებს და პერიოდულად მწყობრიდან გამოდის.

 „ჩერნომორენერგოს“ ინფორმაციით, სოხუმში ელექტროენერგია პიკური მოხმარების პერიოდში გაითიშება.

სახელმწიფო კომპანიის ინფორმაციით, განრიგი გაუქმდება ენერგომოხმარების შემცირების შემთხვევაში.