თბილისი (GBC) – სამხრეთ დერეფნის ერთ-ერთიო მიზანია ევროპაში გაზის მიწოდების წყაროების დივერსიფიცირება, და ერთ მიმწოდებელზე დამოკიდებულების შემცირება - განაცხადა ბაქოში ვიზიტის დროს ჩრდილოეთ მაკედონიის ეკონომიკის მინისტრმა კრეშნიკ ბექტეშიმ.

მისი თქმით, ამ პროექტის წყალობით, ევროპამ ენერგოუსაფრთხოების დონის გაზრდა მოახერხა, და ამ კუთხით კიდევ დიდი პოტენციალი არსებობს.

მისი თქმით, ამ დროისთვის მთავრობის პრიორიტეტია მიერთება სამხრეთ დერეფნის განშტოებასთან, რომელიც დააკავშირებს კასპიის საგაზო საბადოებს საბერძნეთთან, საბერძნეთის გავლით კი - ჩრდილოეთ მაკედონიასთან.

„პროექტის შედგენა უკვე დასრულების სტადიაზეა, ხოლო მარშრუტის მშენებლობას დააფინანსებს ევროპის საინვესტიციო ბანკი. ტენდერი ამ პროექტზე წლის ბოლოსთვის დასრულდება“ - განაცხადა მინისტრმა. მისი თქმით, ან ეტაპზე ქვეყანა მთელს გაზს რუსეთიდან იღებს, ხოლო სამხრეთ დერეფანთან შეერთება გაზმომარაგებას უფრო სტაბილურს და საიმედოს გახდის“ - მიიჩნევს კრეშნიკ ბექტეში.