თბილისი (GBC) - ირანი აწარმოებს კონსულტაციებს ახალი დერეფნის თაობაზე მოლაპარაკებებს აწარმოებს -განაცხადა ირანის საგარეო საქმეთა მინისტრმა მეჰდი საფარიმ.

მისი თქმით, საუბარია მარშრუტზე, რომელიც ირანს ევროპასთან დააკავშირებს - დერეფანი გაივლის აზერბაიჯანის, საქართველოს, ბულგარეთის და საბერძნეთის ტერიტორიებს - იუწყება საიტი haqqin.az.

ამ დროისთვის მიდის მუშაობა შეთანხმების ტექსტზე, რომელიც სავარაუდოდ, აპრილ-მაისში დასრულდება, რის შემდეგაც ჩატარდება შემაჯამებელი შეხვედრა ამ საკითხზე ბულგარეთის დედაქალაქ სოფიაში.

„ამ ეტაპზე ჩვენ ვმუშაობთ თეირანში ყველა იმ ქვეყნების საელჩოების წარმომადგენლებთან, რომლებიც ჩართულები არიან პროექტში. სავარაუდოდ, შეთანხმება სულ მალე დაიდება“ - განაცხადა მინისტრმა.

მისი თქმით, აზერბაიჯანის და საქართველოს მონაწილეობით უკვე განხორციელდა სატესტო რეისი ირანიდან შავი ზღვის მიმართულებით, და ამ ეტაპზე აი უკვე 4 თვის მანძილზე ირანული პროდუქცია აღმოსავლეთ ევროპაში საქართველოს შავის ზღვის პორტების გავლით მიდის.