თბილისი (GBC) - 2021 წელს უკრაინასთან ვაჭრობის ბრუნვამ $758.9 მლნ შეადგინა

აქედან ექსპორტმა $307.3 მლნ., ხოლო იმპორტმა $451.6 მლნ. შეადგინა.

უკრაინასთან საგარეო ვაჭრობაში ძირითად საექსპორტო საქონელს მსუბუქი ავტომობილები წარმოადგენს. 2021 წლის განმავლობაში საქართველოდან უკრაინაში სულ $88.1 მლნ-ის 13505 ერთეული მსუბუქი ავტომობილი გაიყიდა. მეორე ადგილზეა ეთილის სპირტი: $43.4 მლნ-ის 17 ათასი ტონა. მესამეზე კი მინერალური და ქიმიური სასუქები: $38 მლნ-ის 112.1 ათასი ტონა. ეს სამი პროდუქტი  უკრაინაში მთლიანი ექსპორტის 55%-ს შეადგენს.

რაც შეეხება იმპორტს, უკრაინიდან ყველაზე დიდი რაოდენობით იმპორტირებული პროდუქტი 2021 წელს სიგარები,სიგარეტები და თამბაქოს შემცველი პროდუქტები იყო: $78მლნ-ის 4.9 ათასი ტონა. მეორე ადგილზეა რკინის ნაგლინები (რკინის რულონები): $23.1 მლნ-ის 24.3 ათასი ტონა. ხოლო მესამეზე სამკურნალო საშუალებები: $21.2 მლნ-ის 790.7 ტონა. ეს სამი პროდუქტი მთლიანი იმპორტის 27%-ს შეადგენს.