თბილისი (GBC) -საქართველოში ყველა ასაკის უცხოელი ვიზიტორი ჩამოდის, თუმცა, შსს-ს სტატისტიკური მონაცემებით, მათ შორის 31-50 წლის ადამიანები ჭარბობენ.

კერძოდ, 2021 წლის მე-3 კვარტალში საქართველოს 210 400 უცხოელი ეწვია, მათ შორის 31- 50 წლის ასაკის 101 500 ვიზიტორი იყო. დანარჩენი ასაკობრივი ჯგუფები შემდეგნაირად განაწილდა - 15-30 წლის - 59 000, ნაკლებია 51-70-ს კატეგორია - 46 900, ყველაზე მცირერიცხოვანი კი  - 70 წელს გადაცილებული ვიზიტორები იყვნენ - 3000.

2021 წლის სხვა პერიოდებში რიცხობრივი განსხვავების მიუხედავად, ასაკობრივი ჯგუფების შეფარდება უცვლელია.

იგივე სურათი იყო პანდემიამდელ 2019 წელსაც - პირველ კვარტალში ქვეყანაში ჩამოვიდა 347 600 უცხოელი, მათ შორის 31-50 წლის 164 300 ადამიანი იყო, მეორე კვარტალში - 448 500 და 205 600, მესამეში - 732 500 და 327 200, მეოთხეში  - 401 900 და 206 200.